Tokhiruulga.mn цахим хуудсанд багтсан 100 үйлдэл гүйцэтгэх чадвар алдалтын нэршлийг ICFD буюу өвчин онош, үйлдлийг ангилах олон улсын аргачлалд суурилан багцалсан. Монгол улс уг аргачлалыг хараахан нэвтрүүлээгүй байгаа тул дотоодын эрх зүйн хүрээний зохицуулалт болон хэрэгжүүлэх тогтолцоо нь цогцоор хөгжөөгүй байна. Тиймээс хуулийн мэдээ буланд оруулах мэдээлэл уялдаатай цогц биш байгааг хүлээн зөвшөөрөхийн сацуу олон улсад ч мөн хариултгүй байсан асуултууд шийдлээ олж, бодлого хэрэгжилт хоёр нь хэрхэн нэг нэгнээ дэмжин цогц тогтолцоо болон хөгжсөнийг сонирхуулах зорилгоор халуун сэдэв буланг хамтад нь оруулав. Монгол улсын засгийн газар соёрхон баталсан НҮБ-ын Хөгжлийн Бэрхшээлтэй Хүний Эрхийг Хамгаалах тухай Конвенц болон АНУ-ын ADA гэсэн хоёр том эрх зүйн баримт бичиг нэг нэгнээ нөхөн дэмждэгийг баталсан судалгаа ч байдаг. Эдгээр хоёр баримт бичиг дээр дурдсан ICFD аргачлалтай шууд холбоотой юм. Тэгвэл манай улсын хөгжлийн бэрхшээлтэй хүний эрхийн тухай хууль дээрх Конвенцын утга санаанд үндэслэгдсэн гэдгээс дүгнэхэд энэхүү цахим хуудас маань удахгүй нэвтрэх ICFD аргачлал болон дагалдан гарах бусад олон шинэчлэлүүдийг урьтаж чухал гарын авлага болон түүчээлж байна.